Foydalanish shartlari

Oxirgi yangilanish: 2026-yil 4-oktabr

Qisqacha: AliSend Facebook va Instagram lead formalaridan hamda WhatsApp raqamingizga yozgan mijozlardan kelgan lidlarni siz tanlagan manzilga yetkazadi. Biz lidlarni sotmaymiz va o'z maqsadimizda ishlatmaymiz. Siz esa lidlarni qonuniy yo'l bilan yig'ishingiz va ulardan faqat mijoz roziligi doirasida foydalanishingiz kerak.

1. Xizmat nima qiladi

AliSend.uz — Facebook va Instagram lead formalaridan kelgan lidlarni avtomatik ravishda Telegram guruhiga hamda siz ulagan Google Sheets, Bitrix24, amoCRM yoki o'z webhook manzilingizga yetkazuvchi xizmat. WhatsApp raqamingizni ulasangiz, unga yozgan mijozga avto-javob yuboriladi va lid Telegram hamda Sheets'ga tushadi. Xizmatdan foydalanish orqali siz ushbu shartlarga rozilik bildirasiz.

2. Hisob va ruxsatlar

Hisob Telegram bot (@alisenduz_bot), Telegram, Facebook yoki Google orqali ochiladi. Faqat o'zingizga tegishli yoki sizga rasman ruxsat berilgan reklama kabinetlari va sahifalarni ulashingiz mumkin.
Facebook ruxsati (token), CRM kalitlari va WhatsApp tokeni shifrlangan holda saqlanadi va faqat sizning lidlaringizni olish va yetkazish uchun ishlatiladi.
Bitta lead forma bir vaqtning o'zida faqat bitta hisobga ulanadi — aks holda lid kimga borishi noaniq bo'lardi.
Hisobingiz xavfsizligi va unga kim kirishi sizning javobgarligingizda.

3. Sizning majburiyatlaringiz

Reklama va lead formalaringiz Meta qoidalariga va O'zbekiston qonunchiligiga mos bo'lishi kerak.
Lidlardan faqat mijoz forma to'ldirayotganda rozilik bergan maqsadda foydalaning. Lidlarni uchinchi shaxsga sotish taqiqlanadi.
Xizmatni spam, aldov yoki avtomatik hujum uchun ishlatish taqiqlanadi.
API'ni ortiqcha yuklash yoki cheklovlarni aylanib o'tishga urinish taqiqlanadi.

4. Tariflar va to'lov

Bepul tarif — oyiga 1 000 ta lid. Birinchi integratsiya ishga tushgan paytdan boshlanadi, muddatsiz, karta ma'lumoti so'ralmaydi. Chegara to'lsa, keyingi oyda o'zi tiklanadi. Pullik obuna muddati tugasa, hisob shu bepul tarifga qaytadi.
Oylik obuna (30 kun): Targetolog — 49 000 so'm (oyiga 5 000 tagacha lid), Biznes — 69 000 so'm (10 000 tagacha lid), Agentlik — 99 000 so'm (cheksiz). Amaldagi narxlar Tariflar sahifasida ko'rsatiladi.
To'lov usullari: bank kartasiga o'tkazma (Telegram bot orqali, chek tasdiqlangach obuna yoqiladi) va Payme orqali onlayn to'lov. Karta ma'lumotlaringizni biz ko'rmaymiz va saqlamaymiz — ularni to'lov tizimining o'zi qayta ishlaydi.
Obuna avtomatik uzaytirilmaydi va kartangizdan o'z-o'zidan pul yechilmaydi. Muddat tugashidan oldin eslatma yuboriladi.
Chegara to'lsa lidlar yo'qolmaydi: ular saqlanadi va keyingi davr boshlanganda yoki obuna yangilangach yetkaziladi.
Narx o'zgarsa, oldindan e'lon qilinadi va to'lab qo'yilgan davrga ta'sir qilmaydi.

5. Javobgarlik

Biz nimani va'da qilamiz — va nimani qilmaymiz

Har bir lidni imkon qadar tez va ishonchli yetkazishga harakat qilamiz: yetkazilmagan lid uchun qayta urinamiz va muvaffaqiyatsizlikni sizdan yashirmaymiz — xabarda ❌ belgisi bilan ko'rsatamiz.

Lekin xizmat Meta (Facebook, WhatsApp), Telegram, Google va siz ulagan CRM tizimlariga bog'liq. Ular ishlamay qolsa yoki qoidalarini o'zgartirsa, yetkazish kechikishi yoki to'xtashi mumkin. Biz 100% uzluksizlikni kafolatlay olmaymiz.

Javobgarlik chegarasi

Xizmat "bor holicha" taqdim etiladi. Yetkazilmagan lid, uchinchi tomon tizimlaridagi uzilish yoki noto'g'ri sozlangan forma natijasida yuzaga kelgan bilvosita zarar uchun javobgarlik olinmaydi. Bu sizning qonuniy huquqlaringizni cheklamaydi.

Ma'lumotlar

Qanday ma'lumot yig'ilishi, qancha saqlanishi va qanday o'chirilishi Maxfiylik siyosatida yozilgan. Ma'lumotni o'chirish tartibi: Ma'lumotni o'chirish.

Xizmatni to'xtatish

Siz istalgan vaqtda integratsiyani o'chirishingiz yoki hisobingizni yopishingiz mumkin.
Ushbu shartlar buzilsa, biz hisobni ogohlantirib yoki jiddiy holatlarda ogohlantirmasdan to'xtatishimiz mumkin.

Shartlarning o'zgarishi

Shartlar o'zgarsa, ushbu sahifadagi sana yangilanadi. Muhim o'zgarishlar haqida hisobingizga xabar beramiz.

6. To'lovni qaytarish

Xizmat to'lovdan keyin faollashtirilmagan bo'lsa, to'lov 3 ish kuni ichida to'liq qaytariladi. Faollashtirilgan (foydalanila boshlangan) davr uchun to'lov qaytarilmaydi; obunani istalgan payt keyingi davrga uzaytirmaslik mumkin. Murojaat: @alisenduz_bot.

7. Aloqa

Telegram: @alisenduz_bot · Tel: +998 90 343 33 14 · Email: muhammadalinematjonovv@gmail.com

8. Rekvizitlar

Xizmat ko'rsatuvchi: Ali Digital (savdo nomi). Yakka tartibdagi tadbirkor, davlat ro'yxatidan o'tganlik guvohnomasi № 7413170 (20.09.2026). Manzil: Farg'ona viloyati, O'zbekiston tumani, Dasht Cholpon MFY, Shodiyona ko'chasi 36-uy. Tel: +998 90 343 33 14. Bank: h/r 2021 8000 1075 4069 2001, «Kapitalbank» ATB, MFO 01158.